مواقف مضحكة لا تفوتكم

من طرف **زهووورة** الثلاثاء أكتوبر 30, 2007 2:37 pm

السلام عليكم ورحمة الله وبركاته

....

كما تعلمون فأن للصغار مواقف ربما تكون ( محرجه )
اما لأمهاتهم او لأبائهم وبنفس الوقت ( مضحكه )
فــقرأت في أحدى المجلات بعض مواقف الصغار واعجبتني فنقلته لكم

الكلام على لسان الامهات تقول احدااهن ..

(كنت معزومه على حفل عشاء فأخذت ابنتي الصغيره معي
فلما جلسنا حول البوفيه ظنت انه مطعم وقالت بصوت عال هذا
الاكل بفلوس والا ببلاش) فضحكوا عليها الحاضرات..)

تقول احدااهن ايضا ...
(جانا ضيوف وجابوا معهم هديه للمولود الجديد فكان ابني يريد
فتحها فقلت له (اصبر حتى يذهبوا) صار يدخل ويطلع ولما مل الولد
من الانتظار دخل وقال بصوت مرتفع ...
(خلاص ابفتحها شكلهم بينامون عندنا)

وقالت اخرى ...

(ذهبنا في زيارة لعمات زوجي وحده منهم كبيره في السن قلت لولدي
حب راسها فرفض وقال (ريحة راسها شينه) يقصد الحناء شوفوا
الاحراج اللي صار لي)

كما قالت...

(جتني وحده من صديقاتي وكانت ملامحها تشبه دول شرق اسيا
فجلست بنتي تطالعها بقوه لما قلت لها عيب ردت وقالت(شكلها
شغاله ) ) وقالت ايضا..

( اخذت من اختي شنطه ورحنا لحفله ومعنا بنت اختي ولما وصلنا
وخلعت عبايتي حتى شافت الشنطه وقامت تسحبها بقوة
وهي تقول (حقت ماما هاتيها ) وانا احاول اسكتها)

وقالت احداهن ..

(زوجي كان عنده ضيوف على العشاء وحطيت العشاء كله لهم
وكان ولدي يبي يتعشى قلت له: اذا خلصوا الرجال بنتعشى..
رحت اصلح لهم الشاهي ...وهو دخل على الضيوف وقال لهم
(لا تخلصون العشاء لانا بنتعشى أنا وأمي بعدكم )
شوفوا وجه ابوه وقتها)
.

تقبلو تحياتي

ههههههه

مواقف طريفة فعلا
الله يكون فى عون الآباء والأمهات على المواقف الرهيبة
مشكورة عزيزتى على المشاركة الحلوة

سكون البحر

اضحك الله سنك زهورة
اسعدك الله مادام الليل والنهار

مواقف مضحكة لا تفوتكم

مواقف مضحكة لا تفوتكم

رد: مواقف مضحكة لا تفوتكم

رد: مواقف مضحكة لا تفوتكم