ازاى تعرفى جوال البنت من جوال الولد هههههههه

طبعا أكيد كلنا دايم ندور لجوال مستعمل بالذات من بعد الاسهم .................

من المهم انك اذا جيت تشترين جوال مستعمل ودك تعرفين من اللي كان يستخدمه...

طبعا بشوية ملاحظات تقدرين تعرفين وبسهوله...

اذا لقيت الجوال فيه تعليقه رومانسيه وفيه ريحة عطر او احيانا ريحة مونيكير ( طلاء الاظافر) ولازم هذي احيانا تلقينها بالذات في البطاريه من جوه..

المهم في هالحاله 99 % اللي كان يستخدم الجوال بنت... اشتري الجوال وانت متطمنة انه نظيف ومتدلع ومتربي على العز والنعومه يعني جوال بنت نعمه....

ولا تنسين اذا لقيت كرت الذاكره غالبا راح تلقين الملفات الموجوده اغاني وصور وخلفيات في منتهى الرومانسيه
وبتلقين شوية قصايد لدرجة تقولين ان الجوال بيشارك في شاعر المليون...

وفيه شي مهم وانت تطالعين في الجوال تحسين انه خايف ويرتجف في المحل ( متغير عليه المكان)

ولو صاحبة الجوال ناسيه الأرقام مامسحتها ... بتلقين الاسامي زي كذا...

أولا اذا كانت متزوجه بتلقين اسم زوجها على حسب الحاله النفسيه ....

1)اذا كانت زعلانه ( العله...الثور...النكبه...اللزقه ....)

2) اذا كانت تحبه صدق( ابو فلان.. زوجي.. رجلي...سندي)

3) اذا كانت ماتحبه صدق بس تستعرض قدام النسوان( حبيب قلبي... نصفي الآخر...روحي)

بقية الاسماء بتلقينها:

بابي......بابا......مامي....ما ما.... حمودي اخوي.... جيجي صاحبتي...محل الورود .... طبيب الجلديه...محل الهدايا...



نروح نشوف اذا كان الجوال كان مع شنب كيف نعرف...

طبعا أول ماتخش المحل تلقين الجوال كنه بينقز من الفترينه.... طبعا لازم تلقين فيه جرح والا جرحين ....

الشاشه تلقينها ممخشه تقولين ماكلها بس( قطو)( ويقال هر بالعربية )...

طبعا من اول ماتشغلين الجوال بتشوفين العجايب ....

اذا كان اخينا في الله ناسي بطاقة الذاكره تعالي وشوفي الملفات ...

صور لاعبين ومقاطع ...

مقاطع تفحيط....

صور من رحلات البر والبحر والفضاء ...

صورة الزملاء وهم يتعشون وواحد فاغر وبياكل لقمه وزنها 2 كيلو...

صورة سيارة ابو الشباب بعد الحادث ...

اكتئاب من اول نظره...

اذا ناسي الاسماء مامسحها بتلقينه كما يلي ...

اذا كان متزوج بيكون اسم زوجته حسب الحاله النفسيه...

1) زعلان.... غلطة عمري.... الهداره.... وين انت.... متى بترجع...انا لله...طيحة حظ

2) راضي ويحبها صدق.... الغاليه...ام فلان.... طيبة الخاطر..

3) يبغى يرضيها....روحي وعمري وقلبي... اجمل لحظات العمر... نور عيوني.. حبيبة القلب.. ( أسماء مسلسلات)

بقية الاسماء تلقاها:
الوالد .. الوالده وهذافي احسن الاحوال ...

اخوي الزاحف.. اخوي المطوع... اخو ي ابو ركبه...الورشه.... القهوه ...المصري راعي المعسل... المرجوج

الاهبل... الدب الغبي...

طبعا هالجوال لاتاخذينه لو بريال لأن عنده صدمه نفسيه واحتمال فشل كلوي حاد ولا عاد ينفع...
منقوووول

هههههههههههههههههههههههههههه
موضوع رائع
اسعدكِ المولى سكون